Ankush Sonsale
Nanded Vruttavedh ।
हिंदू धर्मियांच्या धार्मिक भावना दुखावून समाजात तेढ निर्माण केल्याचा आरोप
नांदेड – खासदार रवींद्र चव्हाण यांच्यासह विठ्ठल पावडे, अब्दुल गफार, माजी आमदार हनुमंत पाटील बेटमोगरेकर, मुन्ना अब्बास हुसैन व इतर ५० ते ६० लोकांनी एकत्र येत प्रक्षोभक घोषणाबाजी केल्याचा आरोप करण्यात आला आहे. हिंदू धर्मियांच्या धार्मिक भावना दुखावून समाजात तेढ निर्माण केल्याप्रकरणी या सर्वांवर कडक कायदेशीर कारवाई करण्याची मागणी अमोल श्रीराम कुलथिया यांनी पोलिसांकडे केली आहे.
नांदेड येथील फुले पुतळा, आयटीआय चौकात ही घटना घडली आहे. तक्रारदार अमोल श्रीराम कुलथिया पूर्णावाला (वय ४६, व्यवसाय – व्यापार) यांनी दिलेल्या तक्रारीनुसार, संशयितांनी बेकायदेशीर मंडळी जमवून हिंदू धर्माच्या विरोधात अश्लील व द्वेषपूर्ण भावनेने प्रक्षोभक घोषणा दिल्या. यामुळे हिंदू-मुस्लिम धार्मिक तेढ निर्माण करण्याचा प्रयत्न करण्यात आला असून धार्मिक भावना दुखावल्याचे तक्रारीत म्हटले आहे.
या घटनेचा व्हिडिओ सध्या नांदेड शहरात तसेच सोशल मीडियावर (व्हॉट्सॲप ग्रुप व इंस्टाग्राम) मोठ्या प्रमाणावर व्हायरल झाला आहे. याप्रकरणी पोलीस निरीक्षक, पोलीस स्टेशन शिवाजीनगर, नांदेड यांच्याकडे दि. २३/०८/२०२६ रोजी तक्रार अर्ज देऊन दोषींवर तात्काळ कायदेशीर कारवाई करून पाऊल उचलावे, अशी ठाम मागणी अमोल श्रीराम कुलथिया यांनी केली आहे.
दरम्यान, या वक्तव्याबद्दल खासदार रवींद्र चव्हाण यांनी दिलगिरी व्यक्त केल्याचा व्हिडिओ देखील सोशल मीडियावर व्हायरल झाला आहे.
